ໂຄງການພັດທະນາ ເມືອງທັນສະໄໝ ທີ່ຕັ້ງຢູ່ເມືອງຫາດຊາຍຟອງ ແລະ ເມືອງໄຊເສດຖາ ນະຄອນຫຼວງວຽງຈັນ

ຈຸດປະສົງຫຼັກຂອງໂຄງການ ເພື່ອພັດທະນາເມືອງທັນສະໄໜ ນະຄອນຫຼວງ 450 ປິ ໃນເນື້ອທີ່ 2,568 ຮຕ ທີ່ຕັ້ງຢູ່ 2 ເມືອງ 10 ບ້ານ ໃຫ້ກາຍເປັນຕົວເມືອງທັນສະໄໝ, ມີການເຊື່ອມໂຍງທາງດ້ານເສດຖະກິດ – ສັງຄົມລະຫວ່າງປະເທດ, ມິການນໍາໃຊ້ຊັບພະຍາກອນທີ່ມີປະສິດທິພາບ ແລະ ການພັດທະນາຄຸນນະພາບຊີວິດການເປັນຢູ່ຂອງປະຊາຊົນໃຫ້ເທົ່າທຽມກັບປະເທດອື່ນ.

• ສ້າງວຽກເຮັດງານທໍາໃຫ້ກັບປະຊາຊົນ, ທັງເປັນບ່ອນຮັບຮອງແຮງງານ ທີ່ຈະເພີ່ມຂຶ້ນໃນອະນາຄົດ.

• ການສ້າງຄຸນນະພາບຊີວິດການເປັນຢູ່ຂອງປະຊາຊົນໃຫ້ເທົ່າທຽມກັບປະເທດອື່ນທີ່ພັດທະນາແລ້ວ.

ນິຕິກໍາທີ່ກ່ຽວຂ້ອງ

• ແຜນທີ່ສະແດງຂອບເຂດສຶກສາຄວາມເປັນໄປໄດ້ຂອງໂຄງການ ສະບັບເລກທີ 715/ພຊສ.ນວ, ລົງວັນທີ 28 ກຸມພາ 2022.

• ສປປ ລາວ ແມ່ນຈຸດໃຈກາງຂອງອາຊຽນ ມີການເຊື່ອມໂຍງທາງດ້ານການຄ້າ ແລະ ການລົງທຶນກັບບັນດາພື້ນຖານເສດຖະກິດທີ່ສໍາຄັນໃນພາກພື້ນ ແລະ ພາຍນອກ.

• ສປປ ລາວ ມີສົນທິສັນຍາການລົງທຶນສອງຝ່າຍກັບ 27 ປະເທດ ແລະ ໄດ້ເຂົ້າໄປເປັນສະມາຊິກຂອງອົງການ ການຄ້າໂລກ (WTO) ແລະ ເຊື່ອມໂຍງເຂົ້າກັບພາກພື້ນປະຊາຄົມເສດຖະກິດອາຊຽນ (AEC).

• ທີ່ຕັ້ງຍຸດທະສາດເພາະມັນເປັນຈຸດເຊື່ອມຕໍ່ລະຫວ່າງຈີນ, ຫວຽດນາມ, ໄທ ແລະ ປະເທດກໍາປູເຈຍ ຈຶ່ງສາມາດເປັນປະຕູສູ່ການຄ້າ (Land Link) ສິ່ງສໍາຄັນ.

• ລັດຖະບານ ສປປ ລາວ ກໍານົດທິດທາງຈະເປີດເສລີທາງດ້ານເສດຖະກິດ ແລະ ເປີດກວ້າງໃຫ້ແກ່ພາກເອກະຊົນໂດຍຜ່ານກົດໝາຍສົ່ງເສີມການລົງທຶນທີ່ໄດ້ຮັບການປັບປຸງ (IPL) ປີ 2017.

• ສປປ ລາວ ໄດ້ສ້າງເຂດເສດຖະກິດພິເສດ (SEZs) ເປັນສະຖານທີ່ສ້າງໂອກາດໃໝ່ໆ ແລະ ຊຸກຍູ້ການຂະຫຍາຍຕົວຂອງເສດຖະກິດໃຫ້ເຂັ້ມແຂງຂຶ້ນ.