by RentsBuy Property 
ເຮືອນໃນຝັນເປັນໄດ້ຈິງ: ທະນາຄານອິນໂດຈີນ ປ່ອຍສິນເຊື່ອພ້ອມໃຫ້ຄຳປຶກສາຄົບວົງຈອນ
ນະຄອນຫຼວງວຽງຈັນ, ວັນທີ 7 ພຶດສະພາ 2025 – ທະນາຄານອິນໂດຈີນ ສ້າງສັນຍາຮ່ວມມືກັບບັນດານາຍໜ້າອະສັງຫາລິມະຊັບຊັ້ນນຳ ແລະ ບໍລິສັດກໍ່ສ້າງທີ່ມີຊື່ສຽງ ເພື່ອເປີດໂອກາດໃຫ້ລູກຄ້າໄດ້ເປັນເຈົ້າຂອງເຮືອນໃນຝັນໄດ້ງ່າຍຂຶ້ນ. ໂດຍໄດ້ຈັດງານເປີດຕົວໂຄງການພິເສດທີ່ມີຊື່ວ່າ “ເຮືອນໃນຝັນເປັນໄດ້ຈິງ” ເຊິ່ງມີເປົ້າໝາຍຫຼັກໃນການຊ່ວຍເຫຼືອດ້ານທຶນ ແລະ ໃຫ້ຄຳປຶກສາດ້ານສິນເຊື່ອຢ່າງຄົບວົງຈອນແກ່ຜູ້ທີ່ສົນໃຈຊື້ເຮືອນ.
ງານເປີດຕົວຄັ້ງນີ້ໄດ້ຮັບຄວາມສົນໃຈຈາກຫຼາຍພາກສ່ວນ ທັງຜູ້ປະກອບການ SME ແລະ ພະນັກງານປະຈຳ ທີ່ກຳລັງมองຫາໂອກາດໃນການມີທີ່ຢູ່ອາໄສເປັນຂອງຕົນເອງ. ນອກຈາກນັ້ນ, ຍັງມີນາຍທຶນ, ນາຍໜ້າອະສັງຫາລິມະຊັບ, ແລະ ຜູ້ຕາງໜ້າຈາກບໍລິສັດກໍ່ສ້າງຕ່າງໆ ເຂົ້າຮ່ວມຢ່າງຫຼວງຫຼາຍ ເພື່ອສ້າງເຄືອຂ່າຍ ແລະ ແລກປ່ຽນຂໍ້ມູນອັນເປັນປະໂຫຍດ. ໂຄງການນີ້ຖືເປັນບາດກ້າວສຳຄັນຂອງທະນາຄານອິນໂດຈີນ ໃນການປະກອບສ່ວນເຂົ້າໃນການພັດທະນາຂະແໜງອະສັງຫາລິມະຊັບ ແລະ ຍົກລະດັບຄຸນນະພາບຊີວິດຂອງປະຊາຊົນລາວໃຫ້ດີຂຶ້ນ.
ງານດັ່ງກ່າວໄດ້ຮັບກຽດເຂົ້າຮ່ວມຈາກຜູ້ບໍລິຫານລະດັບສູງຂອງທະນາຄານອິນໂດຈີນ ໄດ້ແກ່: ທ່ານ ວໍລະເດດ ພັນແພງດີ ຜູ້ອຳນວຍການ, ທ່ານ ນາງ ຫົງ ພານິດ ຮອງຜູ້ອຳນວຍການ, ທ່ານ ປາຊີ ແສງອຸດອນ ຫົວໜ້າຝ່າຍຂາຍ ແລະ ການຕະຫຼາດ), ແລະ ທ່ານ ນາງ ສຸພາໄລ ວິໄລສັກ ຜູ້ຈັດການອາວຸໂສດ້ານການດູແລລູກຄ້າ .
ພ້ອມກັນນັ້ນ, ຝ່າຍບໍລິສັດ Rentsbuy Property Company ນຳໂດຍ Ms. Vilayluk DOUGVILAY ຜູ້ອຳນວຍການ, Mr. Chansadeth SOUMPHONPHAKDY ຮອງຜູ້ອຳນວຍການ, ແລະ Mr. Somkhit BOUTSIVONGSACK ຮອງຜູ້ອຳນວຍການ ກໍໄດ້ເຂົ້າຮ່ວມຢ່າງພ້ອມພຽງ.
ໂຄງການ “ເຮືອນໃນຝັນເປັນໄດ້ຈິງ” ນີ້ ເປີດໂອກາດໃຫ້ແກ່ລູກຄ້າທຸກກຸ່ມ ທັງຜູ້ປະກອບການ SME ແລະ ພະນັກງານປະຈຳ ໄດ້ເຂົ້າເຖິງແຫຼ່ງທຶນ ແລະ ຮັບຄຳປຶກສາດ້ານສິນເຊື່ອທີ່ເໝາະສົມ ເພື່ອໃຫ້ການມີເຮືອນໃນຝັນນັ້ນເປັນຈິງໄດ້ງ່າຍຂຶ້ນ. ນອກຈາກນັ້ນ, ງານນີ້ຍັງເປັນເວທີສຳຄັນໃຫ້ແກ່ນາຍທຶນ, ນາຍໜ້າອະສັງຫາລິມະຊັບ, ແລະ ບັນດາຕົວແທນຈາກບໍລິສັດກໍ່ສ້າງຕ່າງໆ ໄດ້ພົບປະແລກປ່ຽນ ແລະສ້າງເຄືອຂ່າຍຮ່ວມກັນ.
ທັງສອງພາກສ່ວນຫວັງເປັນຢ່າງຍິ່ງວ່າ ໂຄງການນີ້ຈະເປັນສ່ວນໜຶ່ງໃນການຊຸກຍູ້ໃຫ້ປະຊາຊົນລາວມີທີ່ຢູ່ອາໄສເປັນຂອງຕົນເອງໄດ້ງ່າຍຂຶ້ນ ແລະ ເປັນການກະຕຸ້ນເສດຖະກິດຂອງປະເທດອີກດ້ວຍ.
More Inf Details: Tel/WhatApp: +85620 23333347.
